Futbol bo‘yicha AKFA CUP 2021 korporativ turnirining final bosqichi bo‘lib o‘tdi
AKFA Group korporativ madaniyati xodimlarni ishdagi kabi sportda ham muvaffaqiyatga erishishda rag‘batlashga qaratilgan. Asosiy vazifalardan biri xolding mutaxassislari o‘rtasida yaxlitlik va hamjihatlikni saqlashdir, shuning uchun, kompaniya har yili jamoaning jipsligi va birdamligiga hissa qo‘shuvchi turli tadbirlarni o‘tkazib turadi. Ular orasida xodimlar o‘rtasidagi korporativ futbol turniri ham bor.
30-oktabr kuni futbol bo‘yicha korporativ chempionat bo‘lib o‘tdi va unda 4 ta jamoa «MIMAR», «ARTEL RH», «AKFA JOMIY» va «BENKAM» sovrinli o‘rinlar uchun kurash olib borishdi.
Uchinchi o‘rin uchun bahsda «MIMAR» va «ARTEL RH» jamoalari to‘qnash kelishdi. Finalda «AKFA JOMIY» va «BENKAM» jamoalari kubok uchun kurash olib borishdi. Birinchi o‘rin uchun kechgan keskin kurashda «BENKAM» jamoasi g‘alaba qozondi. Ikkinchi o‘rinni «AKFA JOMIY» jamoasi, uchinchi o‘rinni esa «ARTEL RH» jamoasi egalladi.
Bu yil AKFA CUP 2021 musobaqasida xolding tarkibidagi turli korxona va tashkilotlardan 16 ta jamoa ishtirok etdi. Bir oy davomida 200 ga yaqin kishi bir-biri bilan bellashdi, eng yaxshilari finalga chiqdi.
O‘yin kutilmagan va hayajonli daqiqalarga boy bo‘ldi. Finalchilar muxlislarga unutilmas tuyg‘ular ulashishga bor kuchlarini sarfladilar. «AKFA CUP – 2021» turniri g‘oliblariga tantanali ravisha qimmatbaho sovg‘alar topshirildi.
AKFA Group O‘zbekistonda muhandislik ilmi va texnologiyasining kelajagini birgalikda qurish uchun iste'dodlarni izlaydi va ularni rivojlantiradi.
Kamron G‘ulomov, AKFA Group Ijro direktori
Tavsiya etilgan maqolalar
Jonivorlarga bo‘lgan shafqatsizlikka rasmiy munosabatimiz
AKFA Group O‘zbekistondagi jonivorlarni himoya qilish tashkilotlarining asosiy missiyasini to‘liq qo‘llab-quvvatlaydi. Kompaniya jonivorlarga nisbatan sodir etilayotgan zo‘ravonlik yo‘l qo‘yib bo‘lmas xato deb hisoblaydi va shafqatsizliklarga qarshi chiqadi
“Toshkent siti” jamoasi Xalqaro KVN musobaqasida g‘olib bo‘ldi
“Toshkent siti” KVN bo‘yicha O‘zbekiston terma jamoasi Xalqaro KVN Ligasining chorak final ishtirokchisiga aylandi. Rossiyaning Smolensk shahrida joriy yilning 13-may kuni bo‘lib o‘tgan musobaqaning 1/8 finalida O‘zbekiston jamoasi birinchi o‘rinni egalladi. Bellashuv natijasiga ko‘ra yurtdoshlarimiz 51 ball to‘plab, Novokuznetsk, Ivanovo, Noyabrsk, Donetsk va Leningrad viloyatidan tashrif buyurgan jamoalardan o‘zib ketishdi.
AKFA Group “Men G‘olib” vatanparvarlik poygasiga homiylik qildi
9-yanvar kuni Toshkent shahrida “Men G‘olib” vatanparvarlik poygasi bo‘lib o‘tdi. Ikki yildirki, sport musobaqasi Vatan himoyachilari kuni va O‘zbekiston Respublikasi Qurolli Kuchlari tashkil topgan kuni arafasida boshlanmoqda.